Модна инспирација за оваа сезона: Есенската гардероба на принцезата Кејт Мидлтон

•

27 септември 2022

Секој премин од една во друга сезона подразбира менување и на гардеробата. А кога од лесна летна облека преминуваме на есенски комбинации, неретко чувствуваме потреба да ја вратиме елеганцијата и бесмртните класични модни парчиња назад во нашиот стил наспроти летната лежерност. Во моменти кога бараме инспирација за како да го сториме тоа, честопати се потпираме на жените од кралските семејства.

Дамите како Кејт Мидлтон, кралицата Летиција и Меган Маркл знаат дека едноставноста е вистинскиот победник во играта на софистицираноста, и препознаваат дека не може да се погреши со класичните парчиња кои траат вечно, особено ако се направени од природни и квалитетни материјали.

Оваа есен наша модна инспирација е принцезата Кејт Мидлтон, која знае совршено да искомбинира луксузни креации со современи и достапни модни парчиња облека од локалните бутици.

Па, доколку ви е потребна инспирација за тоа како да ја надополните вашата есенска гардероба со квалитетни парчиња, а со тоа и да ја подобрите, разгледајте ги омилените есенски комбинации на Кејт.

Широки панталони

Секогаш елегантните панталони со широки ногавици се лесни за комбинирање и можат да бидат соодветен избор за разни пригоди. Тие можат да бидат и формален избор доколку се искомбинирани со правилен топ. Изгледаат одлично со салонки, но и со чизми.

Одела

Сè попопуларните одела се исто така дел од секојдневниот стајлинг на Кејт Мидлтон, па така таа честопати може да биде видена во одела во впечатливи и јаки бои.

Плисирано здолниште

Кејт можеме многу често да ја видиме во плисирани здолништа. Овој модел е особено идеален за стилизирање на повеќе различни видови аутфити, зависно од пригодата.

Совршено скроено палто

Доволно е само едно навистина добро палто во нашиот плакар и можете да бидете мирни знаејќи дека ќе имате што да ноблечете секое утро. Капутите, особено оние во сина и зелена боја, се омилен избор на Кејт во овој период.

Црно-бел кариран блејзер

Црно-белиот кариран блејзер никогаш не излегува од тренд, па затоа не е возможно да згрешите со овој избор. Тој може да биде совршениот завршеток на секоја комбинација, независно од стилот и останатите бои кои ги носите на себе.

Сетови

Најверојатно би се согласиле дека една од првите асоцијации со гардеробата на кралското семејство се сетовите. Покрај тоа што се супер едноставни и суптилни, во зависност од кројот тие можат да бидат и недодливо верситални и да помогнат во градењето на различни стилови, од формален, до романтичен и лежерен.

Лелеави фустани

Лелеавите фустани се заштитен симбол на Кејт која видно обожава да ги комбинира во разни свечени прогоди. Па така, начинот на кој принцезата ги носи овие фустани може да претставува инспирација за тоа како да се подготвите за следната свадба или свечена коктел забава.

Миди фустан

Нема простор за грешка со овој избор, особено затоа што овој модел на фустан е исклучително прилагодлив и разноврсен. Можете да го носите на работа, забави, ручеци и лежерни собири, што докажува дека оваа класика ќе ја носиме уште долго.

Салонки

Најчест и омилен избор на чевли за Кејт се дефинитивно мокасините, но веднаш по нив доаѓаат и салонките. Едноставна класика која совршено одговара на секој стил.

Шешири

Кралското семејство е препознатливо и по овој моден додаток кој дава посебен шарм на секоја облека. Кејт најчесто носи модели во бои кои соодветствуваат со останатиот дел од изгледот, па доколку сакате да „украдете" малку од оваа елеганција, погледнете како таа го прави тоа.

Irma Basheska Ristovska

Објавено:

27 септември 2022

Категорија:

Тренд

Прочитано:

1.699 пати

Тагови:

Модна инспирација за оваа сезона: Есенската гардероба на принцезата Кејт Мидлтон

Вторник елегантни во сива комбинација

Среќен роденден Кара Делевињ

Понеделник во опуштено издание

И ова лето носиме кафтан на плажа

ELENA LUKA HOME со промо кампања во повеќе градови низ Македонија

Модна инспирација за оваа сезона: Есенската гардероба на принцезата Кејт Мидлтон

Поврзани