Палтото со леопардски принт прераснува во вистински тренд за оваа сезона

Првично освојувајќи ги годинешните модни писти, палтата со анимал принт, особено леопардскиот, полека но сигурно се пренасочуваат кон освојување на гардероберите на стилските жени, без разлика на нивната возраст.

Фото: Pinterest

Па така, со својата минатогодишна модна ревија, Celine веќе сугерираше дека анимал принтот ќе го има своето големо враќање, а Ула Џонсон пак ги најави палтата со леопардски принт како „модното парче на сезоната есен/зима 2022/2023". 

Тука се вбројува и брендот Мајкл Корс познат по добро скроените и предимензионирани модели со леопардски дезен.

Несомнено стаува збор за бесмртна класика која никогаш не излегува од мода и секако, еден од највпечатливите трендови за есенската и зимската сезона за оваа 2022 година.

Покрај тоа што се неодоливо шик, овие палта се и визуелно „гласни" и привелкуваат внимание, па со тоа тие се и идеалното парче облека за луѓе кои претпочитаат храбри стилски подвизи.

Фото: Pinterest

Во прилог можете да погледнете неколку инспиративни примери за тоа како да ги комбинирате палтата со леопардски принт оваа сезона.

Фото: Pinterest