Што да облечете денес?

Со оглед на студеното време што нѐ разбуди утрово, денеска носиме исклучително топла комбинација составена од неколку шик парчиња. Одберете топол зимски џемпер во крем и бела нијанса и комбинирајте го со тесни фармерки и задолжителни, топли чорапчиња одоздола.

Модните додатоци и денеска се во фокусот, па така во ниту еден случај не заборавајте ја зимската капа и ракавиците кои се целосно во зимски дух. Комбинацијата надополнете ја со дебело елече во сива боја и крем чизмички до над глуджот, а секако, не заборавајте ја и кожената кафена чанта за сите ваши мали богатства.