Тренд аларм: Карирано фустанче со копчиња + стилски сандали со животински принт

Летните лежерни фустанчиња станаа наша опсесија во летниот период, благодарение на нивната удобност и фантастичните материјали од кои се изработени.

Денеска ве инспирираме со едно такво, во карирана варијанта, изработено од лен како еден од омилените материјали во лето.

Фустанчето е во нежна бела боја со карирани детали во крем нијанса, а целото внимание дефинитивно е свртено кон грбот кој е неодолив.

Имено, во задниот дел од фустанчето испреплетени се по две прерамки што го прават да изгледа уште пошармантно и привлечно.

Истото го надополнивме со сандали со животински принт на мала потпетица плетена со коноп како еден од омилените детали летово.

Со оглед на времето, она што секојдневно ни е потребно се очилата за сонце, па во согласност со ова супер летно парче, ви предлагаме и соодветни стилски очила во кафена нијанса.

Комбинација: Fashion Group Macedonia

Стајлинг: Fashionel.mk

Фустан, сандали: Mango

Очила за сонце: Parfois

Модел: Ирина Јонческа

Модна агенција: Моделс Ин

Фризура и шминка: Елена Лука

Локација: Старо Буре, Кучково