Враќање на тренд од минатото - гоблените како мотив во стајлингот

Тренд
•
7 ноември 2023

Кој би рекол дека подзаборавената уметност на гоблените ќе се најде на облеката на денешните модни инфлуенсерки.

Корсети и мини здолништа што неодоливо потсетуваат на бабините гоблени што ги гледавме закачени по ѕидовите.

Романтичните сцени од 18-от век се пресликани на овие парчиња облека, а младите инстаграмџики го присвојуваат овој старо-нов тренд.

Зад дизајнот на уникатните корсети и здолништа што ја преплавија социјалната мрежа стои младата дизајнерка Кристин Малисон од Бруклин.

Нејзините креации веќе ги носат Лила Грејс, ќерката на Кејт Мос, Мили Боби Браун и Марго Роби, а на нив се приклучуваат и низа кул девојки од Азија.

Ниеден дизајн не е сличен со другиот од причина што секој од нив се изработува рачно. Парчињата се најчесто спој на различни ткаенини и плетки и се изработуваат по нарачкна.

Кристин моментално студира на Институтот за уметност Прат во Бруклин, а во своите корсети најчесто пресликува жени од минатото што носат корсет, создавајќи ефект што потсетува на филмот Inseption.

Многумина се согласуваат дека младата дизајнерка црпи инспирација од работата на Вивиен Вествуд - облека што потсетува на уметност која што може да се носи.

Објавено:
7 ноември 2023
Категорија: 
Тренд