Фризури кои ќе ве направат послаби во лицето

Дали ви се случило да ги гледате своите стари фотографии, на кои сте имале поинаква фризура и ви се чини дека сте изгледале подобро и послабо? Еден од причините можеби е и вашата фризура. Иако веројатно несвесно, тогаш можеби сте имале таква што сосема му соодветствува на вашиот лик.

Ако имате некој килограм повеќе, или округло лице, еве неколку предлози за тоа како со помош на косата визуелно да ги издолжите лицето. Одберете го она што ви се допаѓа, е најпрактично за вашата должина и квалитет на коса.

Долга брановидна коса

Ако сакате лицето да ви изгледа подолго и послабо, долгата коса е добар избор. Немојте да се шишате над рамениците, ако е возможно оставете ја косата подолга од тоа, но нека биде природно брановида и зачешлана на страна. Благо брановидната и опуштена коса ќе ви го даде саканиот волумен на косата, а со тоа ќе ви го издолжи лицето. Но, имајте на ум дека треба да е брановидна на надвор - од лицето, а не кон лицето.

Асиметрична боб фризура

Подолга коса во предниот дел, а пократка позади е исто така одличен избор, особено ако не сакате да чекате косата да ви порасне. Исто така, ова е фризура за оние што имаат рамна коса, а должината во предниот дел мора да биде под брадата неколку сантиметри.

Долги нерамни шишки

Густите и рамните шишки создаваат впечаток на широко лице. Па, ако сакате да имате шишки, нека бидат долги, истенчени и намерно „исецкани“ на краевите нешто подолго. Можете и малку да ги разделите на средината, така ќе доздадете впечаток на издолжено лице.

Степенасто долга коса

Ако имате долга коса и широко лице, заборавете на рамната фризура. Потстрижете се степенасто околу лицето,  на тој начин ќе го издолжите визуелно.

Опавче со опуштена коса

Ако сакате да носите опавле, тогаш опуштете ги прамените од секоја страна.

Крената фризура

Високото опавче или пунџа, без опуштени прамени, ќе даде впечаток на издолженост на лицето, особено на челото.

Светли прамени

Светлата коса го свртува вниманието и тоа во вертикална насока. Важно е прамените да бидат површински од врвот на главата, а косата под нив да биде со потемна нијанса. Исто така, прамените мора да бидат во природни бои, а не розови на пример...

Фризури кои не доаѓаат предвид се боб фризура со должина до брадата, кратка коса, рамни шишки и рамна долга коса.

Ако имате срцевиден облик на лице, тогаш избегнувајте го патецот на средина, иако тој кај некои други облици на лице создава впечаток на издолженост. Ако имате пак округло лице, добро ќе ви прилега патец на една страна.