Што открива бојата на косата за вас?

Бојата на вашата коса за вас може да открие повеќе отколку што мислите. Бројните истражувања покажаа дека голем дел од првиот впечаток кај луѓето се состои и од тоа каква боја на косата имате. Па така, според експертите, мажите бринетите ги сметаат за подостапни, русокосите за нежни и чувствителни, а црвенокосите за многу горди. Иако таквите предрасуди често делуваат неточно и неправедно, сепак тие длабоко се вкоренети во нашето општество!

Платинеста русокоса

Само 10 проценти од луѓето на светот се природно русокоси. Оваа боја секако привлекува внимание со оглед на тоа што е исклучително ретка. А секако, сѐ што е ретко, привлекува внимание!

Русокоса со „златен“ сјај

Тешко е да не ја поистоветите златно русата коса со некој од двата легендарни поими за совршена убавина – класични, заводливи, елегантни убавици достојни за црвен килим или типични американски девојки од соседството. Но, зад сексипилот и невиноста што тие на прв поглед ги претставуваат, оваа боја крие забава, флерт и дружељубивост на девојката со златно руса боја на косата.

Омбре

Омбре бојадисувањето е сѐ уште популарно, и покрај фактот што изминатата година можеше да се види на буквално секоја втора девојка. Коренот со потемна боја што сѐ повеќе се осветлува кон краевите на косата, е многу лесен за одржување, па освен тоа што е синоним за модерна девојка, претставува и лице кое сака да биде безгрижно, практично, но и лице кое не секогаш „игра“ на сигурно.

Бринета

Не сме сигурни колку е вистина, но фактите покажуваат дека зад бринетите се кријат најинтелигентните девојки на светот. Другите секогаш ги доживуваат како паметни, зрели и со цврст карактер. Природните бринети ги има најмногу во светот од сите природни бои на косата, а за истите може да се каже и дека се едни од најпосакуваните девојки од мажите.

Темно кафена

Темно кафената коса што се движи и во правецот на црната, е тешка боја за одржување, но за оние на кои добро им стои, сметаме дека е вредна за трудот. Во комбинација со богати, таласести бранови крие одредена доза на мистичност, а девојките со ваква боја на косата често се доживуваат како исклучително креативни!

Боја на костен

Токму како и русата коса, и онаа со боја на костен е исклучително ретка. Од некоја непозната причина, девпјките со црвенкаста боја на костен не уживаат поволна репутација. Тие се сметаат за многу горди и тешко достапни. Добрата страна е тоа што тие девојки се доживуваат и како големи авантуристки и „огнени“ индивидуалки!

Бакарно црвена

Жените со бакарно или огнено црвена боја се сметаат за многу самоуверени девојки. За нив многумина велат дека се и тврдоглави, но и многу одлучни и исклучително страстни. Тие изобилуваат со неверојатен темперамент и се многу допадливи за момците.