Зошто кожата прерано старее?

Стареењето е природен процес. Но, лошите навики и животен стил може да влијаат на прераното остарување на нашиот организам, а истовремено и на нашата кожа.

Фото: Pinterest

Затоа добро е превентивно да реагираме. Ќе ви посочиме неколку фактори што предвреме ја остаруваат кожата:

-Прекумерно изложување на сонце без соодветна заштита

Изложувањето на сонце предолго, без заштита, придонесува за појавата на брчки и ја намалува еластичноста на кожата. Затоа користете соодветни креми за заштита од сонце или облека со која ќе го превенирате директното негативно влијание.

-Храна полна со шеќери

Стручните лица советуваат да се избегнува храна која содржи многу шеќери или други рафинирани јаглени хидрати бидејќи тие намирници го забрзуваат стареењето на кожата.

-Прекумерена количина алкохол

Алкохолот ја дехидрира кожата и со тоа ни прави лоша услуга, со што кожата изгледа постаро.

-Цигари

Пушењето го предизвикува појавувањето на брчките особено на места каде што кожата е потенка, на пример околу очите или над усните. Причината е тоа што цигарите го намалуваат нивото на Ц витаминот во крвта, што кај пушачите во просек е дури до 60 посто пониско во однос на непушачите.

-Физичка неактивност

Умерените физички вежби може да ја подобрат циркулацијата и да го зајакнат имунитетот.

-Неправилна нега на кожата

Грубото триење при чистењето на кожата на лицето, може да ја иритира а со тоа се забрзува и нејзиното стареење. Со нежно чистење ќе го постигнете посакуваниот ефект на отстранување на нечистотиите од лицето.