Во Пула, Хрватска се наоѓа еден хармоничен семеен дом сместен во 55m2.
Смирениот амбиент, неутралните тонови и комбинацијата на природни материјали, ја создаваат неговата идеална целина, што ни го привлече вниманието на Инстаграм.
Зад профилот @ines_homedeco е всушност Инес Силјан, медицинска сестра, фотограф и мајка на две деца која е вљубеничка во уредувањето на ентериери.
И токму таа нејзина страст кон декорирањето на домот е видлива на фотографиите кои ги објвува на својот Инстаграм профил и за кратко време стана популарна меѓу оние кои ја споделуваат нејзината пасија кон уредувањето.
Овој дом зрачи со топлина и фина естетика, а тоа што сѐ функционира во мала квадратура укажува како со добра организација и осмислен план, може одлично да го искористите просторот.
Суптилно е искористена инспирација од рустичната естетика, но доминира скандинавскиот минимализам со избор на едноставен мебел во минималистички линии и ненаметливи бои.
Големо внимание е посветено и на деталите, кои всушност му даваат автентичен дух и карактер на овој семеен дом.
Фото: @ines_homedeco