Инстаграм инспирација: Рустикална естетика во домот

Архитектура
•
25 април 2023

Кирстен, која е декораторка од Торонто има прекрасно уреден дом во рустикален стил, којшто е одлична инспирација за оние што ја преферираат оваа естетика.

Домот треба да биде местото каде ќе го најдеме нашиот мир и ќе се ослободиме од стресот, а нејзиниот блог изобилува токму со идеи за реновирање и уредување на просторот за живеење.

Во куќата што се наоѓа покрај езеро има смирувачки тонови вклучувајќи ги темно сината и смарагдната нијанса. Секој агол од ентериерот изгледа како разгледница, а тоа се должи на умешното комбинирање на деталите и масивните парчиња мебел.

Теписите имаат етно елементи кои одлично се согласуваат со топлите нијанси на паркетот, a посебен шарм на домот даваат собните билки и саксиските цвеќиња.

Еден рустикален дом е незамислив без масивниот мебел како голем кауч и кожна фотеља во окер нијанса, а тука се и удобните перничиња, ќебињата, сликите, корпите и впечатливите лустери.

 

Објавено:
25 април 2023
Категорија: 
Архитектура
Прочитано:
200 пати