Томи Хилфигер и ќерката Aли заедно ја дизајнираа нејзината венчаница
•
29 јуни 2017
Дизајнерот Томи Хилфигер деновиве има причини за славење. Пред неколку дена тој ја омажи неговата најстара ќерка Али, од првиот брак, а инаку има вкупно пет деца.
Али е првата што стапува во брак. Свеченоста се одржа на приватниот остров Мастик во кругот на најблиските и пријателите.
Томи ја отпрати ќерка си до олтарот, каде што ја чекаше долгогодишното момче Стив Хаш.
Невеста носеше венчаница во бохо стил, а во чие дизајнирање учествуваа и таа и нејзиниот татко.
Фустанот е едноставен, ја следи линијата на телото, има тенки прерамки и потсетува на актуелните „слип“ фустани. Но, она што најмногу привлекува внимание е наметката која Али ја носеше врз венчаницата, изработена од транспарентен материја во комбинација со тантела и со имплементирани везени апликации во сина боја.
Инаку, Стив и Ели се во врска шест години, а минатата година во јули се случи свршувачката, за време на патувањето во Париз.
Двојката има и двегодишна ќерка, Хилари, која на прославата ги постелаше ливчињата од цвеќе сè до олтарот.
Она што на некои свадби е забрането, кај нив беше правило – гостите, вклучително и младоженецот да носат бело.
Официјални фотографии во медиумите нема, но гордиот татко, неговата втора сопруга Ди Хилфигер и среќната двојка споделија неколку на нивните профили на социјалните мрежи, а ние ви ги пренесуваме во продолжение:
p>
