Скопје цвета: 6. Фестивал на цвеќето во Градскиот парк

Шарено, весело и цветно е Скопје овој викенд во Градскиот парк. По 6. пат се одржува традиционалниот Цветен фестивал што има за цел да ја развива хортикултурата, но и да придонесе за позитивното расположение меѓу граѓаните.

Паркот денеска беше преполн и со цвеќиња и со посетители (случајни, но и наменски што дошле со цел да ја разгледат понудата на изложувачите).

И оваа година програмата е надополнета и со музички дел со што на скопјани им се пружа убава прилика опуштено, меѓу шаренилото од цвеќиња, да го поминат овој викенд во Градскиот парк.

Фестивалот продолжува со својата програма и во текот на утрешниот ден.

18 мај 2019