Идилична празнична атмосфера покрај камин...

Не секое домаќинство ја има привилегијата, дневната соба да ја краси камин, но мора да признаеме дека овој празничен период од годината е идиличен токму покрај камин.

Топлата и семејна атмосфера добива совршена слика, а божиќниот амбиент во такво издание е филмски.
Доколку сепак сте помеѓу оние кои го имат задоволството првото новогодишно утро да го поминат со топол чај покрај каминот, а сè уште немате идеја како да го украсите ова инспиративно катче од домот, ние ќе ве мотивираме со неколку одлични идеи што ги пронајдовме на Пинтерест.

Иако каминот сам по себе создава пријатен амбиент, сепак неговата улога може дополнително да се потенцира во новогодишниот декор на домот, со тоа што ќе додадете украсни детали кои ќе го облагородат.

Зелен венец, декоративни украси, лампиони, свеќи, новогодишни чорапи – торби за подароци, се само дел од низата идеи како на овој простор во домот да му дадете дополнителен шарм.

Примерите што следуваат во продолжение се неодоливо инспиративни.

Фото: Пинтерест