Балетската претстава „Ана Каренина“ дел од програмата на „Скопско лето“

Во рамки на овогодинешното 40-то Скопско лето,  балетската претстава во два чина „Ана Каренина“ со одбрана музика од рускиот великан Петар Илич Чајковски на сцената на Националната опера и балет  на 28 јуни (петок) , со почеток во 20.00 часот.

Преку современите кореографски решенија сoединети со класичен балет на Лео Мујиќ од Хрватска, минималистичка, но ефектна сценографија, прекрасните костими на Александар Ношпал, ќе видиме едно интересно визуелно, динамично и полно со страст балетско видување на познатиот роман „Ана Каренина“ на големиот руски писател Толстој.

Во повеќе од два часа, балетските уметници на НОБ, на чело со впечатливиот, емотивниот до исцрпување танц и инспиративните движења на Мими Поп Алексова Атанасовска  како Ана Каренина, Бобан Ковачевски како Вронски, Васил Чичијашвили од Грузија како гроф Каренин, ќе ги пренесат сите емоции кои го означуваат ова дело: љубов, страст, омраза, лутина, гнев, љубомора, тага, мајчинска болка…

Моќна, динамична, емотивна...!

Настапуваат: истакнати солисти, солисти и целиот балетски ансамбл на Националната опера и балет.

Ако досега не сте ја гледале, сега е вистинско време да го сторите тоа!