Хју Хефнер неуморниот плејбој си замина во легендите

Хју Хефнер почина на 91 година. Сите мажи сакаа да го живеат неговиот живот. Во далечната 1953 година го запозна светот со неговото култно списание Плејбој и ја изгради неговата империja.

Фото извор: E Online

Роден во Чикаго, како прва професионална работа е забележана онаа во култното списание „Есквајер“. Плејбој според неговите зборови ќе го започне во својата кујна каде пишувал текстови.

 Фото извор: Daily mirror

За многу кратко време ова списание ќе биде најпродавано на глобално ниво, а во 70-те ќе достигне тираж од седум милиони примероци.

Првиот број на Плејбој излегува со насловна на Мерилин Монро, онаа позната „тајна“ фотосесија од 1949 година, а фотграфиите Хефнер ги откупува за 200 долари.

Првите примероци на Плејбој се продавале по цена од 50 центи и се објавувал без датум ако треба случајно да се печати втор тираж. Хефнер беше познат филантроп и ветеран од Втората светска војна. Самиот тврдеше дека спил со 1000 жени. Она што сите забораваат за Плејбој е дека имаше извонредни интервјуа.