Јубилејна 50-та изведба на „парите се отепувачка“

Вечерва со почеток во 20 часот на малата сцена во Македонскиот народен театар ќе биде одиграна 50 изведба на претставата „Парите се отепувачка“, надридрама инспирирана од драмата на Ристо Крле и романот Деветта конфигурација на Вилијам Питер Блативо во режија на Бојан Трифуновски.

Претставата премиерно беше одиграна на 03 декември 2011 година, а минатата година, гостуваше на Меѓународниот театарски фестивал ФИАТ во Подгорица, Р. Црна Гора како и на Денови на МНТ во Кратово и Струга - по повод 115 години од раѓањето и 40 години од смртта на Ристо Крле.

Во претставата играат: Драгана Костадиновска – Барбара/Мара, Славиша Кајевски – Јован/Анѓеле, Софиа Насевска Трифуновска – Хана/Ката, Гораст Цветковски – Митре/Владимир.