Најдобрите филмови и ТВ серии за 2014!

Американскиот филмски институт ја продолжува својата традиција на селекција на најдобрите филмови и ТВ серии од годината што изминува, а во потесниот избор оваа година наместо 10, влегоа вкупно 11 филмови.

Овој избор е всушност само предвесник на она што нѐ очекува на Оскарите и навестува кои се потенцијалните добитници на најпрестижниот филмски избор.

„Ги славиме овие филмови не само како најдобри изминатата година, туку и како одлични дела што ќе останат како културно наследство“, изјави Боб Газал, претседател на Американскиот филмски институт.

Дел од жирито што ги одбра филмовите е и режисерот на веќе култната Breaking Bad, Винс Гилиган, актерката Фелиша Рашад и познатиот американски филмски критичар Леонард Малтин.

Сосема очекувано, дел од изборот на најдобри филмови изминатата година се и одличниот Interstellar, мјузиклот Into the Woods на Дизни, напнатата акција на Клинт Иствуд со Бредли Купер во главната улога American Sniper, потоа Birdman, Selma со Опра Винфри, Nightcrawler, динамичниот Nightcrawler, The Imitation Game, Boyhood, Unbroken и Whiplash.

American Sniper

Како што и самите забележавте, во потесниот избор на Американскиот филмски институт не се најде огромниот хит Gone Girl, за кој сите имаат големи очекувања.

Во однос на ТВ сериите, во изборот на институтот дефинитивно влегоа некои од најгледаните и омилени за изминатата година, меѓу кои и Fargo со Били Боб Торнтон, How to get away with a murder, Jane the Virgin, The Knick, одличната Mad Men, The Americans, Orange is the new black, Silicon Valley, Transparent и неизбежните Game of thrones.

Наградите ќе им бидат доделени на свечен ручек на 9 – ти Јануари во Лос Анџелес.