Насловни страни на „Вог“ добија своја илустрирана верзија од Зоран Кардула

•

8 октомври 2020

Магазинот „Вог“ се најде како инспирација за нашиот уметник Зоран Кардула. Тој на социјалните мрежи спорели циклус илустрации од веќе објавени насловни страни од различни изданија на познатиот магазин, насловен како „Жените на Вог“

Кардула направи негова реплика, на која жените се претставени без очи. Едно од можните толкувања е дека секоја жена би можела да се најде на ваква насловна и да биде инспирација некому, но уште повеќе, секоја од овие фотографии може да се толкува како уметничко дело. Ако се водиме по тоа дека убавината е во око на набљудувачот, тогаш секој од нас би имал своја интерпретација на тоа што го гледа пред себе.

Секој од нас носи приказна, испреплетена од подеми, падови, искуства и грешки. Секоја жена поседува убавина, за која некогаш е свесна, некогаш не.

На некои од оригиналните насловни страни се жени кои оставиле белег во минатото, или пак ја испишуваат сегашноста. Некои од насловните страни сведочат за позицијата на жената, за нејзините соништа, желби, амбиции.

Во продолжение погледнете ги оригиналите и илустрациите на Зоран Кардула, кои се навистина фантастични, па за нас, на моменти и подобри од оригиналите.

Секоја од овие илустрации е достапна и како принт, кој можете да си го врамите. Повеќе можете да видите тука и тука.

Vogue avgust 1949