Необичен хотел во Португалија со 13.000 маслинки

•

16 август 2019

Португалија е со години топ туристичка дестинација, а за тоа придонесуваат бројните интересни нешта кои можат да се видат и секако излезот на Атлантскиот океан.

А кога сме кај интересни нешта, хотелот „Dá Licença“ во градот Естремоз е нешто што вреди да се види.

Се простира на површина од над 120 хектари, а во тие рамки се засадени 13.000 стебла маслинки.

Но, и покрај големата порвшина, хотелот се состои од осум единици за сместување луѓе. Вниманието го привлекува внатрешноста, која е минималистички уредена, а дрвото како материјал доминира.

Тоа воопшто не е случајно, ако го земете предвид податокот дека сопственици се сликарот и некогашен директор на „Ермес“, Виктор Боргес и историчарот на уметност и галерист Франк Лаињо.

Реновирањето на просторот траело пет години, но резултатот ќе ве фасцинира. Покрај апартманите, „Dá Licença" има и градини и балкони кои ве пренесуваат во сосема нова димензија.

Две ноќевања се минимум за престој, а чинат од 300 до 500 евра, во зависност од апартманот.

Внимание секако привлекува и базенот во облик на буквата Т, а освен тој постојат уште неколку помали, приватни базени.

Погледнете: