По начинот на размислување и функционирање, скандинавските земји се години понапред од Балканот. Во тој контекст е и најновиот проект во Копенхаген.
Имено, австралискиот архитект Маршал Бленсер и креативната данска компанија „Фокстрот Магнус Маарбјерг“ заедно работеле на создавање на вештачки, односно дрвен остров кој плови на пристаништето на градот.
View this post on Instagram
Протипот е лансиран уште во 2018 година и веќе на него се одржала фото-изложба, имало и организиран пикник, а наскоро се очекува да му се придружат нови три. Платформата е со површина од 25 квадрати. На неа се наоѓа стебло на липа. Изработена рачно, во бродоградилиште, со традиционалните техники на градење бродови. При изработката се користи и железо, рециклирана плута и дрво.
View this post on Instagram
Тие се одговор на тоа дека јавните простори во големите градови се пренатрпани и во склад со тоа, нивните функции се нарушени, а како резултат на глобализацијата.
Патувачкиот остров е наречен „Ø1“ (буквата, Ø, на дански значи остров), како прототип на платформата во рамки на проектот насловен како „Островите на Копенхаген“.
-Најголемиот остров ќе се состои од девет модули со дополнителни острови кои ќе пловат во близина. Идејата е да се збогати делот и над и под островите. Површинскиот дел ќе биде збогатен со ендемска трева, грмушки, дрвја... Долната страна од островот ќе биде идеално опкружување за морските алги и школки, меѓу кои ќе се најдат риби и други морски животни - велат од данската компанија за магазинот „Дезеен“.
View this post on Instagram
View this post on Instagram
Идејата е овие острови кои ќе формираат архипелаг, да станат јавен простор, кој ќе вклучува различни платформи - пловечка сауна, пловечка градина или пловечки бар... Освен тоа, ќе се направат модули, кои ќе можат по желба да ги користат и пливачи, кајакари... Планот е, во текот на секоја сезона да се поместат на различни делови од пристаништето.
Тимот кој стои зад овој проект, вели дека овие места би можеле да се користат и за разни случувања, фестивали, собирања, а можат и да се преместат во не така активни и развиени места, со цел да станат поактивни.
View this post on Instagram
Проектот се базира на оживување на односот град-море, бидејќи морето е еден од најважните производители на кислород на планетата.
View this post on Instagram
View this post on Instagram
View this post on Instagram
View this post on Instagram