Зоолошката градина организира хуманитарен настан „Со љубов од Скопје ЗОО за Турција и Сирија"

Оваа сабота, со почеток во 12 часот, во Зоолошка градина Скопје ќе се одржи хуманитарен настан за помош на настраданите семејства во земјотресот во Турција и Сирија.

Собраните средства ќе бидат префрлени на сметката за донации за настраданите во земјотресот на Црвениот Крст на Град Скопје, отворена за таа намена.

За забавата ќе се погрижат: Стела и Сани, ЗОО Азбука /ДКЦ Карпош, Градски мешан хор Вардар и слончето Халки, а ќе има и обраќање на спасувачи/волонтери кои помагаа во Турција.

Поддржувачи и соработници на настанот се Град Скопје, МКЦ, Вива, Телеком, Халк Банка, Пелистерка, а од Скопје ЗОО упатуваат и благодарност до сите изведувачи кои ја збогатија музичката и едукативна програма.

Да бидеме хумани и солидарни!

Фото: Instagram