Диверзитет, карактерност, природни и насмеани млади луѓе... Фотографиите на култниот сплитски фотограф и репортер Фјодор Феѓа Клариќ направени низ улиците на Сплит во 80-те, документираат што во својата суштина значи улична мода.
И тогаш постоеле популарни трендови, но секој ги интерпретирал на свој начин без нималку да наликува на друг.
Индивидуалноста е изразена, секој личи на себе и тоа е тоа што ја прави уличната мода, социјално и културно обележје на едно време, на еден град и на една генерација.
Низ фотографиите направени пред повеќе од 30 години, ќе забележите трендови актуелни и денеска.
Неонски бои, џинс со висок струк, предимензионирана облека...
Модата е во постојана циркулација, но она што и дава вредност и печат сме ти и јас, индивидуалноста и својственоста.
А токму тоа е забележано и засекогаш врамено во фотографиите од Феѓа Клариќ.
Фото: Феѓа Клариќ