На социјалните мрежи вчера се рашири видео од Македонка која учествува на бугарското издание на музичкото шоу „The Voice“.
Се работи за Калина Велковска, која буквално ги фасцинираше судиите и публиката, изведувајќи ја песната „This World“.
За неколку часа, видеото досега е прегледано преку 17.000 пати, а коментарите се и повеќе од позитивни: „Девојката е дефинитивно фаворит за победа“, „Фантастична изведба“, „Секој тон беше на место“, се само дел од нив.
Инаку, Калина ѝ е позната и на домашната публика. Под името „Кали“, таа објави досега неколку песни, а со „Ти ми зеде сè“, за која направи и видео запис, ја најави својата соло кариера.
Во меѓувреме, на нејзината официјална фејсбук страница, се појави проект „Kaly's Music Challenge“, во кој Калина со други изведувачи и музичари, прават преработки и изведби на познати хитови.
Овој, во почетокот скромен проект, наиде на одличен прием кај публиката, па прерасна во нешто што редовно се пласира и се очекува.
Во продолжение ќе ви презентираме неколку од нив, а на Калина ѝ посакуваме среќа во понатамошното учество во популарното музичко шоу.