Украинецот Сергеј Полунин за многу кратко време стана еден од водечките танчари во рамките на модерната руска балетска сцена. Маркантноста во поглед на физикусот, шармантниот поглед и неверојатната харизма која ја поседува беа едноставно доволен стимул за тој да стане предмет на интересирање на голем број модни уредници и куќи. Токму грациозноста на неговиот несекојдневен изглед и флуидноста во поглед на танцувањето беше причината што Марк Џејкобс реши Полунин да биде заштитно лице во рекламната кампања за новата машка колекција за сезоната есен-зима 2014/15. Едиторијалот го изработи модниот фотограф Дејвид Симс, а Полунијн е претставен како рок ѕвезда која оди на турнеја низ светот, како самотник кој ја крои својата судбина, а со тоа и сопственото модно секојдневие.
Балетанот Сергеј Полунин е роден во Керсон и за многу кратко време ги освои срцата на публиката, не само во неговата родна Украина, но исто така и во Англија каде стана најмладиот прв танчар на Кралскиот балет во Русија. Тој е и главната ѕвезда на Музичкиот Театар Станиславски, а неговата слава полека добива и светски карактер. Танчарот кој има 24 години во неколку наврати има остварено соработки со дел од најпознатите светски списанија и магазини како Vogue, ID, Zoo Magazine и многу други. Поради таинствениот поглед, големиот број тетоважи на телото и лагодниот начин на живот многу пати е поврзуван во различни скандали и го добива епитетот на „лошо момче“. Сепак, тоа не му пречи на овој балетан кој продолжува да го живее животот со полни гради и да го работи она што најдобро го знае, балетот.
Во продолжение погледнете ги фотографиите од најновата рекламна кампања за мажи на единствениот Марк Џејкобс.