Фасцинантна изложба на историски парчиња долна облека во Њујорк

Во просториите на Модниот институт за технологија во Њујорк вчера беше отворена изложбата на историјата на долната облека каде што беа прикажани оригинални парчиња меѓу кои и такви кои што датираат од 18 – тиот век.

Изложбата која што ќе трае сѐ до 15 – ти Ноември, го следи развојот на интимната женска облека од 18 – тиот век, па сѐ до денес.

Организирана од Колин Хил – раководител куратор во Музејот, во изложбата можат да се видат повеќе од 70 уникатни примери на корсети, ноќници, лежерни пижами и разни фустанчиња што жените некогаш ги носеле за спиење.

Покрај изложбата, ова лето ќе бидат промовирани и неколку книги со истата тематика кои што ќе можат да се набават во самиот музеј каде што е отворена изложбата.

Според организаторите, најголемо внимание на изложбата се очекува да предизвикаат женските корсети од 19 – тиот век кога тие всушност и биле олицетворение на женскиот сексапил.

Девојките обожувале да ги носат не само поради секси изгледот, туку и поради тоа што тие ги стегале нивните половини со што изгледале ултра слаби. Еластичните и полесни корсети го заземаа местото на оние сексуалните некаде во 20 – тите години, со што всушност и почна ерата на поудобна долна облека што полека жените почнаа да ја обожаваат!

Во продолжение, погледнете како изгледал дел од долната облека на жените низ годините.