Филм за модниот великан Ив Сен Лоран што мора да го погледнете!

Големиот Ив Сен Лоран беше неприкосновен генијалец, ексцентрик и моден миленик на Французите!

Кога имал само 19 години, почнал да работи за големата и позната светска модна куќа Кристијан Диор, на чие чело „застана“ на само 21 година, веднаш по смртта на Кристијан.

Пет години подоцна, ги напушти големите очекувања и стресот што му го носеше престижното место, па со помош на неговиот бизнис и љубовен партнер, Пјер Берже ги постави темелите на сопствената модна куќа под неговото име.

Тој беше апсолутен и неприкосновен генијалец, ексцентрик и неверојатен уметник и креативец.

Ликот и делото на Ив Сен Лоран беспрекорно го оживеа младиот актер Пјер Нини во филмот што го носи името на големиот генијалец.

Подеднакво добриот Гијом Галиен го глуми Пјер Берже, а Шарлот Ле Бон неговата најголема муза Виктоар.

Со својата отвореност, искреност и одлична глума, Пјер Нини предизвика бројни полемики. Контроверзен и екцентричен, како и самиот Лоран, филмот на неверојатен и живописен начин го опишува ликот и делото на големиот дизајнер.

Лоран и Берже

Одличниот филм за големиот Ив Сен Лоран можете да го погледнете и во нашите кина.