(Фото) Скопје во август: Летна и лежерна улична мода

Под топлото августовско сонце, во центарот на Скопје, деновиве затекнавме наши сограѓани (а и по некој странски турист), насмеани и расположени да се фотографираат за нашиот фото објектив.

Секој со својата лична стилска приказна, го креира модниот пејсаж на градот и му дава доза на автентичност и својственост.

А во август сѐ е лежерно, лелеаво, обоено во светли тонови и цветни принтови, модно расположение препознатливо за топлите летни денови.

Комбинација од спортска, лежерна и елегантна естетика, во која доминираат парчиња изработени од лесни материјали, рамни сандали и сламени шешири, се најчестиот избор што ќе го забележите на фотографиите од нашата августовска улична мода.

Ѕирнете во продолжение како изгледа август на скопските улици.