Кејт Мос е новото заштитно лице на брендот на Ким Кардашијан
•
14 јули 2021
Оваа соработка веројатно никој не ја очекуваше, иако многумина се прашуваа од каде Кејт Мос и Ким Кардашијан на заедничко патување во Италија, кое го реализираа кон крајот на минатиот месец.
Поводот за нивното дружење е новата кампања на брендот „Скимс“ на Ким Кардашијан, на кое заштитно лице е токму Кејт Мос.
View this post on Instagram
Како пренесуваат странските медиуми, нивното пријателство пак, и не е толку ново. Тие се запознале уште во 2014 година благодарение на Рикардо Тиши, а Ким уште тогаш истакна дека многу ѝ се допаѓа енергијата со која Мос зрачи.
„Веднаш „кликнавме" и оттогаш сме пријателки. Ја сакам нејзината смисла за хумор, „заразно" смеење и безгрижен дух, изјави Кардашијан во една пригода, а сега тоа пријателство премина и во професионална соработка.
Од првите фотографии каде супермоделот позира во црна и беж долна облека, можеме да кажеме дека Кејт Мос е се' уште права модна бомба.
View this post on Instagram
Без разлика дали ја сакате или не Ким Кардашијан, таа се покажа како одлична бизнисменка.
Изборот за тоа култно модно име да ѝ биде заштитно лице е и повеќе од одличен избор, бидејќи нема поактуелна и побомбастична вест на светската модна сцена во моментов од оваа.
