Нашите мали, а големи херои – после една година

Во април минатата година, три девојчиња болни од ретки форми на рак, заедно се фотографираа за фотографката Лора Скантлинг. Нивната емотивна фотографија експресно го заобиколи светот, упатувајќи моќна порака: не постојат невозможни работи кога сме заедно!

После една година тие го потврдија тоа! Риен Френклин, Ејнсли Питерс и Рајли Хјуи (7, 5 и 4 години),  откако минатата година ја направија магичната фотографија, станаа блиски пријателки за време на нивниот медицински третман и после една година со уште поведри насмевки и во истиот состав, направија нови фотографии кои се вистинска дефиниција за живот и радост.

„Првите фотографии направени  пред една година, ја  портретираа нивната потреба да бидат тука една за друга во најтешката борба, а овој пат сакав да прикажам дека нивната врска е се’ уште силна и дека тие успеаа заедно“, вели Скантлинг за today.com.

Овие храбри девојчиња, најмалку што заслужуваат се овие вонсериски фотографии кои сведочат за суштината на животот.