Нови правила за припадничките на американската армиjа. Имено, досега им било забрането шминкање и друга фризура освен пунџа.
Сега пак, правилникот се менува, па ќе биде дозволено користење секојдневна козметика, што вклучува и кармин, а косата ќе може да ја стилизираат и во плетенки, откако се покажало дека секојдневното врзување на косата на пунџа влијае на опаѓањето на косата.
-Во обид да го запреме оштетувањето и губењето на косата, кои се последица од секојдневно носење цврсто врзана коса, го сменивме правилникот, па жените во војска сега ќе можат и разни полежерни варијанти - вели Марк Ентони Кларк од воедниот оддел за вработени, а пренесува „Мери Клер“, додавајќи дека на жените ќе им биде дозволен и маникир, како и дискретен накит.
Покрај тоа, припадничките на војската, кои дојат, дозволено им е носење на поткошули прилагодени за нивните промени.
Инаку, променинте стапиле на сила неколку дена откако новиот американски претседател Бајден ја укинал забраната за учество на трансродови лица во американската војска.