Панталоните на пруги се елегантното парче облека во кое ќе се вљубиме оваа есен

•

13 октомври 2022

Панталоните се можеби едно од оние модни парчиња кои најмногу подлежат на промени како резултат на динамичната еволуција на модата, а неретко сме и сведоци на модни циклуси кога одреден крој или модел одново и одново се враќа во тренд.

Па така, оваа сезона уживаме во носталгичните модни одблесоци од 80-тите и 90-тите на минатиот век, а новите колекции кои беа презентирани на ревиите за време на модните недели укажуваат на големо враќање на „канцеларискиот" изглед од едно не многу далечно минато.

Фото: Pinterest

Тука се вбројуваат панталоните со вертикални пруги и рамни ногавици, за кои може да речеме и дека никогаш комплетно не излегле од мода. Овој модел на панталони ужива статус на безвременска класика со широка можност за стилизирање и прилагодливост на различни пригоди. Јасно е зошто сега се очекува овие панталони да станат врвен сезонски тренд.

Фото: Pinterest

Одлично изгледаат во спој со соодветно сако во пруги, блејзер, кожна јакна, класична бела кошула, плетен џемпер, блуза, елегантен топ, па дури и едноставна памучна маичка.

Сепак, доколку сакате дополнително да се инспирирате за тоа како да ги комбинирате вашите класични панталони на пруги, погледнете ја галеријата подолу.

Фото: Pinterest