„Пантон“ создае виолетова боја во чест на Принц

Институтот за боја, „Пантон“ објави дека во нивната палета има нова виолетова (пурпурна) нијанса, создадена во чест на Принц. Инспирацијата била за него специјално направеното „Јамаха“ виолетово пијано.

фото извор:etonline.com

Бојата пак, е насловена како „Love Symbol #2“, инспирирана од логото на музичарот. Ѕвездата во 1984 година го издаде албумот „Purple Rain“, а во текот на целата кариера, благодарение не само на песната, туку и неговата сценска облека и инструментите, остана поврзуван токму со виолетовата боја.

фото извор: Pnatone.com

„Почестени сме што можевме да работиме на развивањето на Love Symbol #2, новата виолетова нијанса во чест на „виолетовиот“ Принц. Како музичка икона позната по својата брилијантна артистичност, Love Symbol #2 претставува симбол на специфичниот стил на Принц. Сигурни сме дека оваа нова нијанса која ќе се приклучи на виолетовото семејство, ќе биде реплицирана и ќе го одржува истиот иконски статус, каков што имаше и Принц“, вели Лори Пресман, заменик претседателот на Институтот.

фото извор:independent.co.uk

Задоволството за соработката го изрази и Трој Картер, советник од тимот на застапници за имотот на Принц.

-Виолетовата боја е синоним на она што Принц беше и секогаш ќе биде. Ова е неверојатен начин неговото наследство да живее засекогаш.

фото извор:billboard.com

За потсетување, Принц почина во 2016 година на 57-годишна возраст.