„Нетфликс“ може да се пофали со уште една ултра популарна серија. Се работи за „Bridgerton“, зад која се потпишува познатата Шонда Рајмс, авторката на „Вовед во анатомија“ и „Скандал“.
Ако не сте ја гледале, да ве упатиме дека дејството е сместено во почетокот на 19 век, а во фокус се две богати семејства, кои живеат во замоци, и често посетуваат балови. Не требаше да помине многу време за серијата да стане голем хит, но за таа популарност придонеса и костимите, кои се олицетворение на женската мода и убавина во едно сосема друго време.
View this post on Instagram
За осум епизоди, семејствата посетуваат 10 балови, а притоа и често ја менуваат облеката, бидејќи животниот стил им го наложува тоа. Елен Миројницк е жената која овозможи вистинско телевизиско модно шоу на гледачите.
„Девојките и жените носат нов фустан на секој бал, а тука се и креациите за наутро, попладне, како и за секоја дневна пригода. Од почетокот знаевме дека тоа ќе биде раскошна, голема работа“, вели Миројницк за „Харперс Базар“.
View this post on Instagram
Така, за осум епизоди, колку што има првата сезона, направени се дури околу 7.500 креации. На пример, за главниот лик Дафне, кој го толкува Фиби Дајневор, се изработени дури 104 костими. Некои комбинации се носат слоевито, а во тоа време, облеката на богатите дами била покомплексна и составена од повеќе делови, па им била потребна помош од слугинки за да можат да се облечат.
А помош и требала и на Елен, која вработила уште петмина кројачи, кои само ги контруирале кроевите, а дополнително имала помош и околу шиењето.
„Оваа работа е како готвењето, морате да ги имате сите делови, односно состојки, за да ја создадете вистинската модна формула“, истакнува костимографката.
View this post on Instagram
Инаку, втората сезона на серијата е веќе во план, очекувано, а снимањето ќе започне на пролет.
Ако се' уште не се нашла на вашиот список на серии, додадете ја, посебно ако сте моден вљубеник.
View this post on Instagram
View this post on Instagram
View this post on Instagram
View this post on Instagram