Собрани 115.100 денари за поддршка на луѓето со ХИВ во Македонија

Здружението за поддршка на луѓето што живеат со ХИВ „Заедно посилни“ по повод 1 - ви декември – Светскиот ден на СИДА-та, организираше добротворна аукција на дела насликани од јавните личности, за кои се надаваа сите присутни, како и многу личности од јавниот живот. Од вчерашната аукција беа собрани 115.100 денари кои, наменети за поддршка на луѓе што живеат со ХИВ во Македонија.

„Собраните средства се навистина значајни за луѓето кои што живеат со ХИВ. Затоа благодарноста е голема за јавните и популарни личности кои излегоа во пресрет на нашата иницијата и дадоа искрено гледање и пренесување на пораките против предрасудите, отфрленоста и маргилизираноста на луѓето кои не се различни од нас, а потребна им е нашата помош. Нивниот придонес во овој настан и влијанието во формирањето и менувањето на мислењата во јавноста по одредени прашања, се покажа како исклучително продуктивно и корисно“, изјави Андреј Сених, Извршен директор на „Заедно посилни“.

Кристина Арнаудова со своето дело

На познатите личности им беше дадена задача да го насликаат своето доживување на една зададените теми: Предрасуда и отфрленост, Како го замислувам животот со ХИВ денес? Како го замислувам лекот за ХИВ и слично.

Виктор Апостоловски со своето дело

Со свои авторски дела на аукцијата учествуваа Тамара Тодевска, Кристина Арнаудова, Дани Димитровска, Лила Филиповска, Коста Петров, Дарко Лешоски, Бетмен Велит, Виктор Апостоловски, Влатко Лозаноски и кошаркарките од женскиот кошаркарски клуб ЛОТОС.

Дани Димитровска со своето дело

Целта на настанот беше да се подигне свесноста на јавноста дека за ХИВ денес е достапна високо ефикасна терапија, која овозможува луѓето што живеат со вирусот да имаат здрав, квалитетен и долг живот. Настанот беше поддржан и од амбасадорот на Велика Британија во Република Македонија, Чарлс Едмунд Гарет и Постојаниот координатор на Обединетите нации, Луиза Винтон.