Познатиот американски дизајнер Томи Хилфигер ја отвори првата образовна институција со своето име. Училиштето за дизајн на Хилфигер е во склоп на Колеџот Елмира во Њујорк.
Станува збор за приватен колеџ во Елмира, Њујорк каде и израснал самиот дизајнер, па на овој начин, 70-годишниот Хилфигер сака да ѝ се оддолжи на заедницата.
Дизајнерот веќе раководи со својата мега компанија и семеен бизнис, а оваа соработка со колеџот ја гледа како шанса да ги образува младите, идни дизајнери.
„Партнерстово со Елмира колеџот е на мое огромно задоволство и моја лична поврзаност со ова подрачје. Програмот кој го развиваме ќе биде клучен за обликување на идните дизајнери и модни претприемачи. преку знаење и искуство од прва рака,“ изјави дизајнерот.
Се очекува програмата да започне кон крајот на оваа година.