Во рамки на неделата на Висока мода во Париз која заврши неодамна, свое шоу имаше и Ели Сааб.
Тој претстави колекција која некако не потсети на креациите по кои широката публика го запозна - тантела, цвеќиња, 3Д апликации...
Да, оваа пролетна колекција е како цветна рапсодија. Вели се инспирирал од медитеранот, а навистина кога ја разгледувате колекцијата ве носи во едно сосема друго место и атмосфера.
Доминираат силни нијанси на розова, виолетова, сина - после сето сивило кое не' опкружува веќе неколку години наназад, дизајнерот открива дека и неговите клиенти бараат креации во интензивни бои кои ќе внесат подобро расположение.
Органзата како материјал доминира, па целата колекција е воздушеста, нежна, цветна и секако луксузна, бидејќи рачната работа, везот и апликациите доминираат.
Во галеријата на почетокот погледнете ја целата колекција.
