Кензо ги претстави новите хит принтови

Дејвид Линч станува се' поспоменувано име во модната индустрија. Кензо повторно ја пронајде инспирацијата во неговите остварувања, поточно во неонските реклами кои светат во темнината, познат мотив во филмовите на познатиот режисер.

И самиот назив на колекцијата за есен-зима 2015 е токму „Neon“. Но, освен со работата на Линч, дизајнерите на брендот, Умберто Леон и Карол Лим, инспирацијата ја побараа и во делата на Ден Флавин, уметник познат по своите минималистички дела во флуоресцентни бои. А токму во тие тонови се „покриени“ речиси сите колекции на Кензо. Всушност, тоа е и еден од нивните заштитни знаци.

Така, оваа зима љубителите на модата ќе уживаат во принтови со по малку хипнотизирачки линии, како и суптилни детали прошарани во неонски тонови, иако во нешто посмирена варијанта, присутни на блузите, кусите фустани, здолништата, панталоните, јакните, шаловите... Младешки, лежерно и убаво со доза на необичност својствена за брендот, се зборовите со кои може да се опише најновото од Кензо, а ништо помалку и не се очекуваше.

Во продолжение погледнете го едиторијалот направен за колекцијата за претстојната колекција.