Пролетната колекција на Fendi - поим за леснотија, светлина и младешки дух

Она што италијанската модна куќа го покажа со својата пролетна колекција може да се дефинира со два збора – леснотија и светлина.

Уметничкиот директор на Fendi Ким Џонс, во една прилика и самиот изјави дека сака светлина во облеката, наспроти тежината и здрвеноста што според него, ја има постојано и насекаде.

Сакам кога нештата лебдат, елеганција, но со младешки дух. Пролетната колекција е своевидно продолжение на есенската и одговор на она што го баараат клиентите на Fendi, како решение за вечерни фустани.

Тенките силуети, во бледи бои, со доминација на сребрената, помалку потсетуваа на сензибилитетот што го имаа слип фустаните во 90-те.

Речиси и да не можеше да се забележи дека некои од сребрените фустани со тантела, се изработени од кожа, материјалот од кој што започна сè.

Да не го испуштиме и моментот дека низ колекцијата се проткајуваше и суптилен допир на 30-те - гламур но, со една едноставна нота.

Фото: Vogue