Скандинавските блогерки изминативе години се истуркаа рамо до рамо со парижанките, а сега и Лондон, Милано, Њујорк и Париз добија конкуренција за Модната недела.
Копенхаген е моден Ерусалим последниве неколку сезони, па ги руши тврдењата дека модната недела како институција полека изумира како последица на пандемијата. Се поставува прашањето зошто е тоа така? Кога модната недела во Копенхаген стана настан вреден за следење?
View this post on Instagram
Додека останатите модни престолнини имаат имиња кои датираат стотици години, особено италијанските модни куќи, на данските модни писти се појавуваат брендови стари едвај 20 години. Такви се Ganni, Cecilie Bahnsen, Baum und Pferdgarten, Samsøe Samsøe или By Malene Birger.
Достапните цени на овие брендови ги прават многу примамливи за посетителите и консументите, а данските дизајнери особено внимаваат на одржливоста. Младите брендови и љубители на модата во Данска инсистираат да го сменат текот на модата како индустрија, насочувајќи ја кон штедливост, одржливост, рециклирање.
View this post on Instagram
Она што го прави и Копенхаген модно неодолив не се само модните писти, туку и она што се случува надвор од нив. Сивите улици и големите згради на урбаната средина се освежуваат со девојки и момци во жолта, зелена, портокалова, фуксија, кои задржувајќи го минимализмот како водечки мотив ја дкктираат уличната мода. Токму таквиот ДНК код ќе го пронајдете на профилите на Thora Valdimars, Pernille Teisbaek или Emily Sindle.
View this post on Instagram
Модната недела во Копенхаген се одржува од 2 до 5 февруари.