Спектакуларно шоу во живо на „Дајте музика“ на отворено

„Авалон“ продукција најави музички настан кој ќе ги израдува најмалите - екипата од „Дајте музика“ ќе има шоу во живо на 27 мај, на Стадионот на АРМ.

Во продолжение го пренесуваме и нивното соопштение:

„Задоволство ни е да ви соопштиме дека во организација на Авалон Продукција, проектот ,,Дајте музика", за прв пат ќе биде претставен во Македонија, со големо, спектакуларно мултимедијално шоу - концерт на отворено во Скопје, на стадионот на АРМ, со почеток од 20 часот.

Проследено со светска продукција, грандиозна сцена, звук и светло и збогатено со танц, видео, како и специјални гости, катчето исполнето со џагор кое досега беше достапно само на телевизиските екрани, доаѓа на стадионот на АРМ да го приреди најголемиот мултимедијален детски и тинејџерски настан кој некогаш се реализирал на оваа територија.

Како телевизиска програма во која главни протагонисти се група талентирани актери и пејачи, за брзо време станати идоли на новата генерација, на Авалон Продукција ѝ претставува императив и задоволство, „филингот“ наречен „Дајте Музика“ на нивната публика да им го претстави во живо, затоа што сме сигурни дека после ова, за „Дајте Музика“ ќе се зборува и како за врвен live перформанс исто така како што досега се зборуваше за врвна телевизиска емисија“.

Влезниците ќе бидат пуштени во продажба во понеделник (11-ти април) во 9 часот наутро, на продажните места во мрежата на Авалон низ Македонија како и онлајн на avalon.mk по следниве цени и категории:
ПАРТЕР: 400 денари
ФАН ПИТ: 600 денари (само 1.000 влезници во продажба)

„Наш совет е - побрзајте!
На 27 - ми мај, Старо маало се сели на стадионот на АРМ!“, порачуваат за крај од „Авалон“