Можеби веќе сте го сретнале терминот јапанди доколку сте пребарувале за уредување на домот. Јапанди е всушност спој на јапонски и скандинавски стил на уредување, кој што претпочита минимализам.
Станува збор за естетски, рачно изработени парчиња што внесуваат спокој во просторот.
За овој стил зборува и авторката на книгата Japandi Living, Лајла Рајтберген, која информира дека спојката на јапонски и скандинавски елементи датира уште од 1860-те.
Овие две земји имаат заеднички карактеристики, односно преферираат минималистички декор, топли тонови и природни материјали.
Она што можеме да го најдеме во елегантно уредените кујни во јапонскиот стил се елементи во светлокафена боја надополнети со окер и жолти тонови во трпезаријата, а тука е и зеленилото во форма на саксиско цвеќе.
Како што вели Рајтберген и двата дизајна ја нагласуваат важноста на природата, не само преку бои, туку и преку материјалите. Се акцентира користење на дрво и лен, со цел да се постигне мирна атмосфера.
Друг важен момент во јапанди стилот е елеминирање на нередот. Авторката вели дека средувањето на домот треба да се третира како радосен момент, а не како задача.
Искористето го чистењето на домот за да размислите дали предметите околу вас ве прават среќни.
Целата филозофија на Јапанди се заснова на тоа дека less is more и дека многу е важно сами да ги избирате предметите во домот.
Фото: Pinterest