Во пресрет на одличното ново шоу на одличната Елен Деџенерис Ellen’s Design Challenge во кое натпреварувачите ќе имаат 24 часа да дизајнираат и изградат парчиња мебел, ви го прикажуваме нејзиниот неверојатен дом, или пак еден од многуте.
Истиот зрачи со тотално позитивна енергија по која што е препознатлива и самата таа, но и нејзината прекрасна партнерка Порша де Роси. Нејзиниот огромен имот/ранч се наоѓа на планините на прекрасната Санта Моника и изобилува со навистина неверојатни парчиња.
Дневната соба зрачи со топлина благодарение на каминот што се наоѓа во централниот дел во комбинација со белите парчиња мебел и пространите ѕидови.
Нејзината спална соба пак, е обоена во беж и сива боја и истата совршено се вклопува со останатиот ентериер во куќата.
Покрај главната куќа, на имотот на Елен се наоѓаат и две гостински куќи, огромен базен, подземна гаража, штала каде таа чува неколку прекрасни коњи и беспрекорна и во буквална смисла рајска градина.
Во продолжение погледнете ги фотографиите од љубовното гнездо на Елен и Порша и уживајте!