Иако многумина ќе кажат дека тој изгледа добро само кга работи со професионален стилист, нам сепак ни се допаѓа и приватниот стил на познатиот шпански актер Хавиер Бардем.
Се чини дека актерот е вистински вљубен во лежерните комбинации, па за прошетките со неговата сопруга Пенелопе Круз секогаш одбира еднoставни фармерки и маичка на куси ракави или блузон.
На црвениот килим досега никогаш не се случило да ги изневери неговите обожаватели, па така секогаш можеме да го видиме во внимателно одбрани костими со модни додатоци.
Тој речиси секогаш одбира класичен црн костим со бела кошула која му стои неодоливо, освен во моментите кога мораше да качи голем број на килограми за улогата на Пабло Ескобар, филм во кој глуми заедно со сопругата.
Во Шпанија, мажите го почитуваат, а жените го обожаваат, пишуваат сите новинари кои имале можност да се сретнат со него.
Неодамна, тој беше заштитно лице на популарниот италијански бренд Еrmenegildo Zegna заедно со неговиот помлад колега Дев Пател, а во истата и двајцата изгледаат фантастично.
Што се однесува до неговите улоги, за речиси секое филмско остварување тој ги добива сите пофалби и критичарите секогаш посочуваат дека е вистински камелеон.
Во галеријата погоре погледнете некои од неговите највпечатливи фотосесии и секојдневни стајлинзи.