Таа е дефиниција за холивудски гламур. Една од пионерките на андрогениот стил. Марлен Дитрих беше синоним за класична женска убавина во периодот на своите кулминативни мигови во Холивуд, а денеска важи за модна икона која остави свој печат како извноредна актерка на филмското платно и како автентична муза во модниот свет.
Оваа германско-американска актерка публиката ја запозна како убавица во сјајни фустани, со руса коса и изразени црни веѓи. Беше поим за женска убавина и раскош.
View this post on Instagram
Во периодот на 30-те и 40-те години е една од најскапо платените актерки во Холивуд, а нејзиниот шарм и магична привлечност долги години биле инспирација за режисерот Јозеф фон Штернберг чија и муза била.
За време на нејзината долготрајна кариера, Дитрих постојано се трансформираше, и професионално и во однос на својот изглед: започнува како пејачка во кабаре, хористка и филмска актерка во Берлин во текот 1920тите години за во наредната деценја да биде вистинска холивудска ѕвезда; потоа станува забавувачка за време на Втората светска војна и меѓународен сценски изведувач, за на крајот, конечно, да се претвори во култна икона на 20-тиот век.
View this post on Instagram
Американскиот Филмски Институт ја прогласува Дитрих за деветта најголема женска филмска ѕвезда на сите времиња.
За панталоните како дел од женскиот гардеробер секако ѝ благодариме на Коко Шанел, но би било неправедно да не се спомене влијанието на Марлен Дитрих. Таа покажа дека жена може да изгледа убаво, секси и заводливо и во „машка облека". Уште повеќе покажа дека границата помеѓу машката и женската мода не мора да е строга.
Таа и нејзиниот стил кој подразбира смокинзи, фракови, високи шапки, машки одела се предвесник и за естетиката која подоцна ќе биде инспирација и за Ив Сен Лорен.
View this post on Instagram
Уште повеќе, во машката облека ја потенцираше својата женственост и сексапил со црвените кармини, кои исто така беа нејзината препознатлива естетика.
Она што тогаш може да се толкува како револуција во модата, денес е тренд кој го гледаме насекаде. Жените не само што веќе не се срамат да носат облека со машки крој, туку мошне умешно ги имплементираат во својот стил и добива многу интерпретации.
Во продолжение ќе ве потсетиме токму на некои од нејзините впечатливи модни изданија, кои и во денешно време би биле совршена модна комбинација:
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram