Веруваме дека веќе сте вљубени во волуменозните фармерки на вашето момче што обожувате да ги комбинирате со лежерна бохо маичка, но овие денови ние сме опседнати со нивната пријателка – волуменозната тексас јакна.
Со оглед на свежото време во кое уживаме, повеќе или помалку, овие денови, дефинитивно ни е потребна некоја јакничка која што ќе можеме да ја носиме врз летните комбинации што веќе си ги испланиравме.
Волуменозната тексас јакна е вистинското ИТ парче за оваа сезона! Доколку не успеавте да си купите, тоа воопшто не е проблем, бидејќи ние сме сигурни дека веќе имате една ваква длабоко во плакарот на вашата мајка или татко. Воопшто не двоумете се доколку истата е избелена, бидејќи токму тоа е она што се бара сезонава.
Освен тоа што е ултра модерна, истата е многу лесна за комбинирање. Носете ја со фармерки и маичка одоздола, со здолниште со висок струк и лесна кошула или нашата омилена комбинација – тексас јакна со лежерен бохо фустан.
Ова парче ќе внесе свежина во сите ваши комбинации и дефинитивно ќе биде летна класика без која нема да можете да излезете од дома!
За вљубеничките во елечињата пак, оваа сезона вистински хит се волуменозните излебели елечиња, а доколку се прашувате каде да ги најдете, еден тотално кул ви препорачува и одличната Зара!