Направете си вкусно и здраво чоколадо во домашни услови

Пред некој ден ви претставивме рецепт за најубавото топло чоколадо за оваа студена сезона, па и денеска продолжуваме во сличен стил.

Веруваме дека нема човек на планетава што не сака чоколадо, а уште ако истото е домашно и навистина здраво, тогаш имаме полн погодок.

Во чоколадата што ги купуваме, ќе најдете различни адитиви, конзерванси, вештачки бои и други штетни состојки, но ќе се заљубите од прва во она што самите ќе си го направите дома.

Домашната чоколада е полна со здрави состојки, а истата и брзо се подготвува, односно потребни ви се само 15 – тина минути.

Состојки:

½ шолја какао во прав

¼ шолја кокосово масло

¼ шолја јаворов сируп

Малку морска сол

Подготовка:

Ставете го какаото во длабок сад. Додајте го кокосовото масло, јаворовиот сируп и солта. Добро измешајте ги сите состојки додека не добиете хомогена смеса.

Обложете ја тавата за печење со хартија и нанесете ја чоколадата и израмнете или пак направете некои посакувани форми.

Вака подготвена, ставете ја чоколадата во ладилник барем еден час и потоа со остар нож сечете си форми во посакуваната големина.

Додека ја подготвувате, во истата можете да ставите разни јаткасти плодови или нешто по ваш избор.

Уживајте.