Четврток во бела ролка и црн капут
•
2 јануари 2020
Добро утро. Како сте во првиот работен ден од 2020 година?
Ние ќе го започнеме со една безвременска комбинација, која ќе ви се најде за многу пригоди, па и за на работното место.
Бели панталони со широки ногавици и висок струк се во комбинација со бел топол џемпер со ролка. Панталоните се елегантни и женствени и одлично ќе се усогласат со ваков горен дел.
Остатокот од стајлингот го сочинуваат макси црн капут, црни обувки (може да бидат чизми до глужд), црна чанта и ремен. Но, вие можете кај некој од модните додатоци да внесете и некоја друга боја, на пример сина, или пинк, жолта и да ја направите комбинацијата уште повесела.
Ви посакуваме успешен работен ден и успешна година, во која ќе изгледате дотерано и моќно!