Стајлинг на неделата #65: минималистички коктел фустан+ доминантна декоративна панделка

Откако со својата стандардна гламурозна појава ги зачини овогодинешните доделувања на MTV наградите во Лос Анџелес, актерката и пејачка Џенифер Лопез се врати на својата улога на судија во музичкото талент шоу „Американски Идол“. Заедно со колегите, Џеј Ло се упати кон Њу Орлеанс, каде се одржа новиот круг од аудицијата. За појавување пред новинарите, 45 годишната поп-дива избра минималистички црно-бел  коктел фустан од Валентино. Преслатката креација со доминантна панделка е од последната колекција на италијанската модна куќа, а атрактивната Џеј Ло ја комбинираше со црни чевли на висока потпетица, дискретен накит,  нагласени очи и затегната коса во ниска пунџа.