Вторник во кафено свилено здолниште

Вториот ден од работната недела го дочекавме со ниски температури невообичаени за ова време од годината, па доколку ви недостасуваше некоја блузичка на долги ракави, денеска можете да си ја облечете.

Ние го носиме омиленото тенко кафено џемперче и го комбинираме со долго свилено здолниште во кафена нијанса, малку посветла од блузичката.

Бидејќи сепак е лето, комбинацијата надополнете ја со едноставни папучи во темно црвена боја и уникатна чанта во пруги.

Освежете го стајлингот со оваа шапка во сино – кафена нијанса и уживајте во денот без оглед на времето.