Вторник во шик стајлинг

Вториот ден од работната недела поминете го во стилска комбинација составена од неодоливи парчиња што сакаме да ги имаме во нашиот плакар. Денеска одберете модерно здолниште во крем нијанса со стилски шлиц во предниот дел. Комбинирајте го со топло џемперче бидејќи денеска надвор нѐ пречекаа малку пониски температури. Комбинацијата надополнете ја со оваа шик јакничка со реси од најпосакуваниот материјал сезонава. Бидејќи денеска речиси секое парче е во кафена нијанса, комбинацијата истакнете ја со чанта во темно црвена боја и кармин во иста нијанса, а косата украсете ја со оваа стилска шнола.